Криштиану Роналду Лионель Месси менен бирге тамактангысы келерин айтты (видео)

Португалиялык футболчу, "Ювентус” курама командасынын чабуулчусу Криштиану Роналду УЕФАнын сыйлык тапшыруу аземинде Испаниянын “Барселона” командасынын чабуулчусу Лионель Мессинин дарегине көңүл жылыта турган сөздөрдү айтты. Футболдун атактуу эки оюнчусу сыйлык тапшыруу аземинде бир катарда отурушкан.

“Биз Месси экөөбүз 15 жылдан бери футбол талаасында чогуу экенбиз. Албетте, мамилебиз жакшы, бирок экөөбүз ушул убакка чейин бирге тамактанган эмеспиз. Буюрса, келечекте чогуу отуруп тамактанабыз. Биз оюн талаасындагы оюнду бир убакта токтотобузбу, билбейм... Лионель менден эки жашка кичүү. Бирок мен өз жашым үчүн жакшы эле көрүнөм. Мен эки-үч жылдан кийин дагы ушул жерде отурууну пландап жатам. Мени жактырбаган адамдар качандыр бир кезде мени жактыра турган убагы келет”, - деген Роналду.

Аталган спорттук аземде Роналду сыйлыксыз калса, Месси "Жылдын мыкты оюнчусу" наамына татыган.