Бишкектеги шайлоо участкаларынын биринде "Ата Мекен" партиясы жеңишке жетишкендиги маалым болду

Жергиликтүү жана шаардык кеңештерге шайлоо аяктагандан 2 саат өтүп, SUPER.KG порталына айрым участкалар боюнча партиялардын канча добуш топтогондугу боюнча маалыматтар келе баштады. Бизге жеткен маалыматтар боюнча, Бишкек шаарынын Ленин районунан орун алган участкалардын биринде "Ата Мекен" партиясы баарынан көп добуш топтоду. Аталган участокто "Ата Мекен" 40% добушка ээ болуп 1-орунду камсыздаса, шайлоочулардын 11% добушун алган "Ар-намыс" 2-орунду ээледи. Ал эми "Республика" менен КСДП 10%дан добуш чогулткандыгы айтылат.