Кыргыз өлкөсүндө "Сары-Чат—Ээр-Таш" коругунда илбирс эң көп байырлайт

Бүгүн, 2-сентябрда Ысык-Көл облусундагы "Сары-Чат—Ээр-Таш" мамлекеттик коругуна кирген 16 миң гектар жер аянты «Кумтөр» долбооруна кен казыш үчүн кайрадан кайтарылып берилген деген маалымат Азаттыкта чыкты. Буга "Кыргыз алтын" ишканасы чалгындоо иштери ал корукта жүрбөйт деп жооп кайтарды.

2012-жылы "SLT" Эл аралык илбирсти сактоо боюнча Кыргыз өлкөсүндөгү өкүлү "Супер-Инфого" берген маегинде "Сары-Чат—Ээр-Таш" коругу өлкөнүн илбирс эң көп байырлаган аймагы деп баяндаган. Маектин урунттуу учуруна көңүл бурабыз:

– Жакында эле "Сары-Чат—Ээр-Таш" коругуна комиссия менен болгон сапар жигердүү болдубу?
– Кыргызстандагы илбирс эң көп байырлаган "Сары-Чат—Ээр-Таш" коругунун маанилүү бөлүгү кен казуучу "Кумтөр" компаниясына геологиялык чалгындоого лицензия аркылуу берилип кеткен. Депутаттык комиссиянын мүчөлөрү менен барып, ал жерди көрүп келдик. Комиссия ал кадамды мыйзамсыз деп таап, лицензиянын мөөнөтүн ары узартпайт деп терең ишенип, комиссиянын ишинин жыйынтыгын күтүп жатабыз.

Макала толугу менен бул шилтемеде.