"Азалия" футбол клубу кыздар арасындагы Лига Кубогунун жеңүүчүсү аталды

Каракол шаарында кыздар арасында футбол боюнча Лига Кубогу жыйынтыкталды. Финалдык беттеште "Ысык-Көл-Каракол" командасы "Азалия" менен кез келген.

Оюндун жүрүшүндө 1-таймда эсеп ачылган эмес. 2-таймда "Азалия" жоопсуз 3 гол киргизгенге жетишти. Жыйынтыгында бишкектик клуб Лига Кубогунун ээси болду.

"Ысык-Көл-Каракол" – "Азалия" – 0:3

Голдор: Боронбекова 64-мүнөттө, Токтоболотова 75-мүнөттө, Калысбек кызы 90+мүнөттө

Мелдештин мыктылары:

“Мыкты дарбазачы” – Дилнура Абибулла кызы (“Азалия”);

“Мыкты коргоочу” – Ирина Дорофеева (“Азалия”);

“Мыкты жарым коргоочу” – Үмүт Иязова (“Ысык-Көл-Каракол”);

“Мыкты жарым коргоочу” – Айпери Саскеева (“Ысык-Көл-Каракол”);

Мыкты бомбардир – Айжан Боронбекова (“Азалия”);

“Мыкты оюнчу” – Бактыгүл Токтоболотова (“Азалия”).