Президент Өзбекстандын Кыргыз өлкөсүндөгү элчиси Комил Рашидовду кабыл алды

Президент Сооронбай Жээнбеков Өзбекстандын Кыргыз өлкөсүндөгү элчиси Комил Рашидовду өлкөдөгү дипломатиялык миссиясынын аяктоосуна байланыштуу кабыл алды. Бул тууралуу президенттик аппараттын басма сөз кызматынан билдирди.

Маалыматка ылайык, мамлекет башчысы белгилегендей, бүгүнкү күндө Кыргыз-Өзбек кызматташтыгы жогорку деңгээлде турат. Ал Комил Рашидовго өлкөлөр ортосундагы эки тараптуу өз ара аракеттерди алдыга жылдыруу жана бекемдөөгө кошкон салымы үчүн ыраазычылык билдирди.

Сооронбай Жээнбеков Комил Рашидовду премьер-министрдин кеңешчиси чет өлкөлөрдө иштеген Өзбекстандын жарандарына колдоо көрсөтүү маселеси боюнча департаменттин башчысы кызматына дайындалышы менен куттуктады.

Өзбекстандын элчиси Комил Рашидов Сооронбай Жээнбековго жана Кыргыз тарапка өлкөдөгү жемиштүү дипломатиялык миссиясына көмөктөшкөнгө түзүлгөн жагымдуу шарттар үчүн ыраазычылыгын билдирди.