Бишкекте казакстандык “Нур Отан” партиясынын жаштар канатынын мүчөлөрү менен кыргызстандык жаштар жолугушту

Бүгүн, 8-августта Бишкек шаарынын мэриясында КСДП партиясынын жаштар канатынын мүчөлүрү менен Казакстандын “Нур Отан” элдик демократиялык партиясынын “Жас Отан” жаштар канатынын мүчөлөрүнүн жолугушуусу болду. Иш-чара шаар мэри Иса Өмүркуловдун жетекчилиги алдында өттү. Анда тараптар эки өлкөнүн саясий-экономикалык жана маданий тармактарын талкууга алышты. “Нур Отан” партиясынын жаштар канатынын мүчөсү Ризахан Жусуповдун айтымында, Кыргызстандын жаштары саясатка абдан активдүү катышышат. Ошондуктан казакстандык жаштар кыргыз жаштары менен тажрыйба алмашууга кызыкдар. Мындан аркы сүйлөшүүлөрдүн жүрүшүндө эки өлкөнүн жаштары эки тараптуу меморандумга кол коюшмакчы.