"ЭЛДИК КАБАРга" жооп: "Унааны басып калган дарактын тамырына залал келген болушу мүмкүн" дейт шаардык мэрия

Бүгүн, 6-сентябрда Бишкектеги Бөкөнбаев жана Турусбеков көчөлөрүнүн кесилишинде токтоп турган унааны дарак басып калганы тууралуу окурмандар билдирген. Шаардык мэриянын маалыматына ылайык, кырсыктын кесепетинен жабыркагандар жок.

"Кулап калган дарак "Кап Строй" курулуш компаниясы куруп жаткан көп кабаттуу үйдүн алдындагы бак болгон. Учурда юристтер дарактын кулап калуу себебин тактап жатышат. Алдын ала маалыматтар боюнча дарактын тамырына залал келген. Анткени дарак тамыры менен кулаган.

"Бишкек жашылдандыруу" муниципалдык ишканасынын кызматкерлери окуя болгон жерине барып, жолду тосуп калган даракты алышкан", - деди маалымат кызматынан.

Бишкек мэриясы айдоочуларды сак болууга чакырып, бак-дарактын алдына же жанына унааларын токтотпоону өтүнөт.