Балыкчы шаарындагы 1 мектепке жана 1 бала бакчага электр энергиясын үнөмдөөчү жылуулук системи орнотулат

Ысык-Көл облусунун Балыкчы шаарындагы Л.Толстой атындагы орто мектепке жана “Сказка” бала бакчасына электр энергиясын үнөмдөөчү жылуулук системи орнотулат. Бул тууралуу аталган шаардын мэри Мирлан Бообеков билдирди. Жабдууларды орнотууга 4,5 миллион сом сарпталат. Бул иш-чаранын алкагында мектептин эски терезелери да жаңы пластик терезелерге алмаштырылат жана бала бакчада да жаңылануулар болот. Азыркы күндө иш-чаранын 60 пайызы аткарылды.