Кызыл-Кыя шаарында 6 айда жумушсуз катары каттоодон өткөн жарандар 1000ден ашты

1-июлга карата Баткен облусунун Кызыл-Кыя шаарында жумушсуз катары каттоодон өткөн жарандардын саны 1000ден ашты. Бул көрсөткүч 2012-жылдын ушул мезгилине салыштырмалуу 151 кишиге аз. Ал эми 6 ай ичинде расмий түрдө “жумушсуз” макамына ээ болгондор 638ди түздү. Ошондой эле 256 жумушсуз жаран акы төлөнүүчү коомдук жумуштарга тартылган. 6 ай аралыгында жаңы 679 жумуш орду түзүлгөнү белгилүү болду.