Декларация: ЖКнын депутаты Турсунтай Салимов бир жылда 8 миллион сом киреше тапкан

Жогорку Кеңештин депутаты Турсунтай Салимов былтыр 8 миллион сом киреше тапса, анын 781 миң 540 сомун маяна катары алган. Тапшырган декларациясында кыймылсыз мүлктөрү катары 13 334 чарчы метр аянтты ээлеген тоо лыжа базасы көрсөтүлгөн. Ошондой эле Салимов 2 жер тилкесине жана 6 имаратка ээлик кылат. Депутаттын жакындары былтыр 180 миң сом киреше табышкан. Алардын 450 чарчы метр аянтты ээлеген бир батири, Лексус RX 350 жана Лексус LX 570 үлгүсүндөгү 2 автоунаасы бар.