Суусамырда тоодогу мал-жандыктар кырылып калды (видео)

Суусамыр жайлоосунда кардын калың жааганынын кесепетинен жайыт пайдалануучулардын кой-уйлары тоодо калып, мал жандыктары жоголуп, арасында жандыктары өлгөндөр дагы бар.Тоодо жайыт пайдалануучуларынын мал-жандыктары өлүп, алар чоң чыгым болушкан. Бирок учурда канча мал-жандык өлүп, канчасы изделип жатканы тууралуу так маалымат жок. Бул тууралуу SUPER.KG порталына аталган өрөөндүн айылдык кеңешинин төрагасы Нурдастан Кулматов билдирди.

"Учурда кой-уйлары менен жайыт пайдалануучулар тоо башынан түшө албай турушат. Ал жакта кой-уйлары түшпөй, жабыркагандар көп болду. Айрыкча “Арамза” жайлоосунда кар калың түшүп, Токтогулдун жайыт пайдалануучулары калып кеткен. Колубуздан келген жардамдарды берип жатабыз. Азыр эле адам барбаган бороонго камалып калган жарандар тууралуу маалымат келди.

Бирок өкмөттү деле карап олтура албайбыз. Бул табияттын мыйзамы. Бирок алар карапайым калктын жашоосу менен таанышса жакшы болот эле. ӨКМ жардам берип жатабыз дегени туура эмес. Кантип калп айтып жатышат, түшүнбөдүм. Болбосо кечээ, мурдагы күнү биздин чабандарды унаа менен көчүрүп келебиз дешкен. Бирок алар толук көчүрүлө элек", - деди ал.

Эскерте кетсек, 10-сентябрда аталган өрөөндө кар жааганынан улам 5000 гектар арпа кар алдында калып, дыйкандарды чыгымга учураткан.