Көңүл чордондо Лунара Мамытова. Анын окуучуларды сабактан тышкары окуткан мугалимдин акчасын эсептеп жазганы талкууда

Эмгек жана социалдык өнүгүү министринин мурдагы орун басары Лунара Мамытованын посту кайрадан талкуу жаратты. Анда ал өзүнүн баракчасына мектепте иштеген мугалимдин сабак бүткөндөн кийин, окуучуларды кошумча окутуп тапкан акчасы тууралуу жазган.

"Мага 2-классты жетектеген башталгыч мектептин мугалиминин кирешесин эсептеп беришти. Ал сабак бүткөндөн кийин балдарды күн сайын окутат. Ар бир балага бул үчүн 300 сомдон төлөнөт, улантылып окутулган сабакка калган балдардын саны орточо эсеп менен 20. Ошондо күнүнө 6 000 сом. Бул жашоо-турмушка керектелчү минимумдан чоң", - деп жазган ал.

Мамытованын бул посту интернет колдонуучулардын көңүлүн буруп, көбү кошумча окутуу үчүн ата-энелер андай сумманы төлөбөй тургандыгын жазышууда. Көпчүлүктүн түрдүү пикирине Мамытова болгон фактыны оң кабыл алууга, бир эле учурду айтса жалпылаштырбаганга чакырган.

Буга чейин Лунара Мамытова пенсионерлерди акча топтоп, саякаттоого чакырган постун жазып, талкууга калган болчу.