Кыргыз жарандары үчүн Орусияда жана ЕАЭБ өлкөлөрүндө жумуш табуу жеңилдейт

Евразия экономикалык биримдигинин алкагында "Чек арасы жок жумуш” аттуу жаңы долбоор ишке киришти. Анын негизги максаты - биримдиккке кирген ар бир өлкөнүн жараны же жумуш берүүчү тарап бир систем аркылуу вакансияларды табуу. Мындай маалымат Москвада болуп өткөн Евразия экономикалык кеңешинин комиссиясында айтылды.

Чогулгандар экономикалык биримдиктеги өлкөлөрдү санариптештирүү маселесин карашты. Долбоорду Орусиянын эмгек жана иш менен камсыз кылуу боюнча федералдык кызматы сунуштады. Ага ылайык, бир календардык жылдын ичинде 1 миллионго жакын кайрылуулар жана 100 миңден ашык вакансияларга чакыруулар кирет. Долбоор 2020-жылга чейин иштелип чыгат.