Филиппиндин президенти акча талап кылган мамлекеттик кызматкерлерди атууга уруксат берди

Филиппин өлкөсүнүн президенти Родриго Дутерте өлкө жарандарына акча талап кылган мамлекеттик кызматкерлерди билсе атууга уруксат берди. Бул тууралуу чет элдик маалымат булактары жазууда.

Ал жөнөкөй жарандарга мамлекеттик аткаминерлерди атууга мүмкүн экенин, бирок өлтүрбөй араң жан кылуу жетиштүү болорун кошумчалаган.

"Эгер силер салык төлөп, акча жыйып, бажы алымдарын аткарып жатсаңар, мамлекеттик кызматкерлер силерден акча талап кылып жатса, анда аларды соккула. Эгер колуңарда курал болсо, анда аткыла, бирок өлтүрүүгө жетпеши керек. Эгер өлтүрүп алсаңар, алардын акча талап кылганын далилдей албай каласыңар", - деген президент.

2006-жылы Филиппин өлкөсүнө президент болуп шайланган Родриго Дутерте укук бузган жарандарга катуу мыйзамдарды колдонуп келет.

Буга чейин дагы ал укук коргоо органдарына, кылмышкерлерге ок атууга уруксат бере турганын жарыя кылган.