Алып баруучу Назира Айтбекова сүрөттөгү нике шакек тууралуу айтып берди

Теле алып баруучу Назира Айтбекова социалдык тармактагы баракчасына кучак толо гүл кармап, колундагы нике шакеги менен түшкөн сүрөтүн жарыялады. Көп өтпөй Айтбекованын күйөрмандары тынчын алып, сырдуу адам ким экенин сурап, бакыт каалап жиберишти.

Мындан улам SUPER.KG порталы алып баруучудан гүлдү ким бергенин, шакекти ким такканын сурап, төмөнкүдөй жооп алды.

“Сериалдын съемкасы болуп жаткан.Тасмада мен колунда шакеги, күйөөсү бар келинмин. Тартуу иштери жүрүп жатканда "сизге гүл жөнөтүштү" деп чалып калышканынан чыга калгам. Гүл менен кошо шакегим дагы сүрөткө түшүп калды. Ал шакек коомдун көңүлүн бурдуруп жибере турганын кайдан билиптирмин. Ар түрдүү гүлдөр күйөрмандарыман күн алыс эле келип турат. Бирок аларды көп чыгарбайм. Бүгүн чыгаргым келип, бөлүшүп койгон элем”, - деди алып баруучу.