ИИМ: "Жарандардын коопсуздугун жана тынчтыкты сактоо боюнча бардык чаралар көрүлүүдө"

Кыргыз Республикасынын ички иштер органдары жана Мамлекеттик чек ара кызматы чек ара аймактарындагы абалды жөнгө салуу боюнча комплекстүү иш-чараларды өткөрүүдө. Бул тууралуу Ички иштер министрлигинин басма сөз кызматынан билдиришти.

Маалыматка ылайык, милиция кызматкерлери тарабынан коомдук тартипти жана жарандардын коопсуздугун сактоо багытында бардык чаралар көрүлүп, чек арага жакын аймактарда жашаган жарандар менен түшүндүрүү иш-чараларын жүргүзүшүп, күчөтүлгөн тартипте кызмат өтөөдө. "Биздин эң башкы милдетибиз коомдук тартипти жана жарандардын коопсуздугун сактоо. Ок атышуулар саат 21:30да токтогон. Жергиликтүү жарандар учурда ар бири өз үйлөрүндө. Учурда укук коргоо органдары, мамлекеттик чек ара кызматы абалды жөнгө салуу боюнча бардык аракеттерди көрүүдө", - деп жазылат маалыматта.