Супер-Инфо
super.kg видео
Депутат: "Убагында чек арада абал тынч деп маалыматты берген тийиштүү кызматтын өкүлдөрү жоопко тартылсын"
Жогорку Кеңештин Эл аралык иштер, коргоо жана коопсуздук боюнча комитети Кыргыз-Тажик чек арасында болгон окуяны талкууга алышты. Бул тууралуу КСДП фракциясынын басма сөз кызматынан билдиришти.
Депутат Карамат Орозова жер саясатын жүргүзгөн органдардын көп экендигин айтып, аларды бириктирип бир күчтүү орган кылып түзүүнү сунуштады.
"Кыргыз-Тажик чек арасында болгон окуяда Жогорку Кеңештин депутаттарына караганда жергиликтүү кеңештин депутаттары ыкчам ишти алып барышты. Чек арада азыркы окуя башталганга чейин эле президентке, өкмөткө киребиз деп келишкен. Кирүүгө мүмкүнчүлүк болбогондуктан, маалымат каражаттары аркылуу маалыматты берүүгө аргасыз болушту. Алар маалымат берип баштаганда, ал депутаттарды Ички иштер министрлигинин кызматкерлери суракка чакырышты. Качанкыга чейин чындыкты айткан жарандарыбызды суракка чакыра беришет? Эмне себептен бул көрүнүштү жокко чыгара албайбыз? Аларды суракка чакыргандын ордуна, убагында кабыл алып, маалыматты угуп коюшканда бүгүнкүдөй абал болбойт эле. Жогорку Кеңеште чек ара маселеси каралып,токтомдор кабыл алынууда. Чек ара маселесин чечүүгө эмне себептен акча каражатын таба албайбыз. Биздин өкмөт тарабынан эмне себептен тапшырмалар, токтомдор аткарылбайт. Убагында чек арада абал тынч деп маалыматты берген тийиштүү кызматтын кызматкерлери жоопко тартылсын. Атайылап бийликтин көңүлүн башкага буруп жатышат. Аталган кызматкерлердин жоопко тартылышын талап кылам", - деди депутат.
0
1 |