Түркмөн президенти алабай тукумундагы итке арнап китеп жазды

Ашхабад шаарында өлкө президенти Гурбангулы Бердымухамедовдун “Түркмөндүн алабайы” аталышындагы жаңы китеби жарык көрдү. Бул тууралуу дүйнөлүк маалымат булактары жазышууда.

Аталган китепте алабай тукумундагы породанын артыкчылыгы, кызыктуу маалыматтар, археологиялык изилдөөлөр жана элдик оозеки чыгармачылыктагы чечмелениши тууралуу камтылат.

Ал эми жергиликтүү бийлик өкүлдөрү китепти Түркмөнстан өлкөсүнүн 27-сентябрь - Эгемендүүлүк күнүнө карата белек болгонун билдиришкен.

Мындан сырткары, аталган иттин породасына арнап президент тарабынан жазылган ырды Түркмөнстандын аскердик бөлүгү хор аткарышкан. Аталган породадагы иттин түрүн Гурбангулы Бердымухамедовдун башка өлкөнүн мамлекет башчыларына дагы белекке берип келет. Алардын ичинде Орусиянын президенти Владимир Путин жана экс-президенти Дмитрий Медведев дагы бар.