Дүйнөдө биринчи жолу жерге түшкөн жалбырактарды кайра иштетүү өндүрүшү ишке кирет

Дүйнөдөгү биринчи жолу жерге түшкөн жалбырактардан кагаз өндүрүү өндүрүшү ишке кирет. Бул өндүрүш жакынкы аралыкта Украинада ишке ашырылуусу мүмкүн. Бул тууралуу чет элдик маалымат булактары жазууда.

Маалыматта айтылгандай, украиналык студент биринчи жолу жерге түшкөн жалбырактардан кагаз иштеп чыгарууну өндүрүштө сынап көрдү. Студент Валентин Фречка өндүрүштүн технологиясын сунуштаган. Ал сыноодон ийгиликтүү өтүп, жабдык чоң деңгээлдеги иштерди өндүрүүгө даяр.

"Биз жалбыракты колдонуу натыйжасын аныктоо максатында, дарактын кабыгынын ордуна алмаштырып, сыноодон өткөрүп көрдүк. Кагазды атайын даярдалган жабдыктардын жардамында өндүрдүк, көрсөтүлгөндөй кагаздын сапаты мыкты", - деди Валентин Фречка.

Валентин Фречканын долбоору Кенияда болгон Эл аралык экология олимпиадасында алтын медалга татыган. Ал эми АКШдагы ойлоп табуучулардын олимпиадасында финалчы болгон.