Улуттук көчмөндөр оюндарынын жалпы жыйынтыгы чыкты. Биринчи орунда Талас облусу

Таласта өткөн биринчи Улуттук көчмөндөр оюнундагы таймаштардын жалпы жыйынтыгы чыкты. Бул тууралуу Жаштар, дене тарбия жана спорт агенттигинен маалымдады. Маалыматка ылайык, спорттук иш-чаралардын жыйынтыгы менен кечээ, 21-сентябрда жеңүүчүлөргө сыйлыктар тапшырылган.

Жалпы командалык эсептеги жыйынтык:

1-орун – Талас облусу – 75 балл,

2-орун – Бишкек шаары – 63 балл,

3-орун – Ысык-Көл облусу – 55 балл,

4-орун – Чүй облусу – 46 балл,

5-орун – Ош облусу – 45 балл,

6-орун – Нарын облусу – 43 балл,

7-орун – Ош шаары – 36 балл,

8-орун – Жалал-Абад облусу – 32 балл,

9-орун – Баткен облусу – 5 балл.

"Сыйлык тапшыруу аземине Жаштар, дене тарбия жана спорт агенттигинин директорунун орун басары Канатбек Арпачиев, агенттиктин 7 облустагы башкармалыктарынын башчылары катышты. Арпачиев оюндун катышуучуларын, жеңүүчүлөрүн куттуктап жатып, оюнду, таймаштарды мүмкүн болушунча кызыктуу уюштурууга аракеттер көрүлгөнүн, келген коноктор жаратылыштын кооздугунан да ырахат алып кетишти деп ойлой турганын белгиледи", - деп жазылат маалыматта.

Улуттук көчмөндөр оюндарында спорттун 8 түрү боюнча күч сынашуу болду. Оюндарга өлкөнүн 7 облусунан жана Ош, Бишкек шаарларынан келген 691 спортчу катышты.