Орусияда кыргыз аял ымыркайын метронун ажатканасына таштап салган

19-сентябрь күнү Москвадагы "Коломенская" метрополитенинин жанындагы ажатканадан жаңы төрөлгөн ымыркай табылган. Бул тууралуу орусиялык басылмалар жазып чыкты.

Алгач ымыркайды метрополитендин тазалык кызматкери көргөн. Ажаткананын кабинкасы жактан кандын тактарын көргөнүн, андан соң унитаздын ичинен ымыркайды таап алганын айткан. Ошол эле учурда ымыркайын ажатканага таштап салган эне шаардык клиникалык төрөтканалардын биринде жаткан. Алгач ал кайсыл жакта төрөгөнүн айткан эмес. Кийин дарыгерлерге кыз бала төрөп, аны Андропов көчөсүнүн жанындагы ажатканага таштаганын билдирген. Дарыгерлер дароо полицияга кабарлашкан.

Окуя болгон жерге келген "Тез жардам" кызматкерлери ымыркайдын абалы менен таанышып, 36 жумалык экенин аныкташкан. Учурда ымыркай медициналык кароодо.