Эл өкүлү башка мамлекетте иштеп жаткандарга инвестор катары мамиле жасоо керектигин айтты

Депутат Сагындык Келдибаев башка мамлекетте иштеп жаткандарга инвестор катары мамиле жасоо керектигин айтты. Бул тууралуу ал бүгүн, 26-сентябрда Жогорку Кеңештин жыйынында билдирди.

Орусияда иштеген эмгек мигранттарынын акча которуу көлөмү кескин түшүп кетти. "Орусиядан тышка акча которуу боюнча чектөө мигранттарга терс таасирин тийгизип жатат. Кыргыз мамлекети ЕАЭБге мүчө болгондуктан, мындай чектөөлөрдүн коюлганы туура эмес. Өкмөт тезинен ушул маселе боюнча сүйлөшүүлөрдү жүргүзүп, мындай көйгөйдү чечиши керек.

Эмгек мигранттары чет өлкөлөрдө иштегени менен, Кыргыз мамлекетинин өнүгүшүнө чоӊ салым кошуп жатышат. Алар жыл сайын бир жарым миллиард доллардан ашуун каражат которуп келет. Бул өлкөнүн экономикасынын өнүгүшү жана калк турмушунун жакшыруусу үчүн чоң салым. Ошондуктан чет өлкөлөрдө иштеп жана жашап жаткан мекендештерибизге мигрант катары эмес, инвестор катары мамиле жасашыбыз керек", - деди депутат.