Эстонияда эреже бузган айдоочуларга акчалай эмес, убакыт менен айып салына баштады

Эстонияда белгиленген ылдамдыктан ашып айдаган айдоочулар үчүн жаңы жаза ишке кирди. Бул тууралуу чет элдик басылмалар жазат.

Анда ылдамдык эрежесин бузган айдоочуларга акчалай айып же "эс алдыруучу" токтотууну тандоо укугу берилет. Маалым болгондой, мындай эксперимент 26-сентябрда Таллин-Рапла автожолунда жүргүзүлгөн. Полиция кызматкерлери белгиленген ылдамдыктан саатына 10-20 чакырым ашырган айдоочуларга 45 мүнөт, 21-40 чакырымдан ашып кеткен айдоочулар 1 саат жол четинде туруусу керек болгон.

Шашып бараткан айдоочулар үчүн мынчалык убакыт күтүү катаал жаза катары кабыл алынган. 17 эреже бузган айдоочулардын арасынан жетиси гана бул жазаны тандаса, калганы акчалай айып төлөшкөн.

"Көпчүлүк айдоочуларга протокол түзүү кыжырды келтирет. Андыктан аларды акчалай эмес, убакыт менен айып салууну ишке ашырып көрөлү дедик", - деп билдирет Полиция департаменти.