WhatsApp тиркемеси эски телефондордогу кызматын токтотот

2020-жылдын 1-февралынан тарта WhatsApp мессенжери эски операциялык системдер менен жабдылган телефондордо өз кызматын аткарбайт. Бул тууралуу тиркеменин расмий сайтында жарыяланды.

Маалыматка ылайык, чектөө Android 2.3.7 жана iOS 8 операциялык системдерине киргизилет. "Биз бул чектөө менен дал ушул операциялык системди жаңылоону көздөп жатабыз. Бир канча функция каалаган убакытта өз кызматын токтотуп коюшу мүмкүн", - деп айтылат маалыматта.

Муну менен тиркеменин иштеп чыгуучулар Android 4.0.3 жана iOS 9 же операциялык системдин акыркы версияларын колдонууну сунушташат. WhatsApp тиркемеси дүйнөдөгү эң белгилүү байланыш мессенжери.

2018-жылдын февраль айынын маалыматына караганда тиркемени бир жарым миллиард адам колдонору белгилүү болгон. Белгилей кетсек, WhatsApp тиркемеси 2009-жылы Ян Кум жана Брайан Актон тарабынан негизделген.