Кара-Суу районунда кутурган адам элге тынчтык бербей жатат деген маалымат студенттин тамашасы болуп чыкты

Ош облусунун Кара-Суу районундагы айылдардын биринде акыркы жумаларда бир адамга кутурма оорусу жугуп, ал айылга тынчтык бербей жатат деген маалымат социалдык тармактар аркылуу тараган. Бул боюнча Ош облустук ички иштер министрлиги маалымат берди.

"Аталган окуя боюнча Кара-Суу районунун милиция кызматкерлери Нурдар деген айылда текшерүү жүргүзүп, бул маалымат чындыкка дал келбей тургандыгын аныктаган. Нариман айылынын 2001-жылы туулган студент досу менен тамаша иретинде аудио жасашкан. Кийин ал социалдык тармактарда тарап кеткен", - деп билдирди облустук ички иштер министрлигинен.

Бул окуядан кийин Кара-Суу райондук милиция кызматкерлери жана Нариман айыл өкмөтүнүн өкүлдөрү Нурдар айылынын тургундарына түшүндүрүү иштерин жүргүзүшкөн.