Экс-акыйкатчы Бактыбек Аманбаев: "Социалдык тармактагы маалыматтарды көзөмөлгө алуу туура эмес". КҮНСОБОЛ

Жогорку Кеңештин комитет жыйынында депутат Бакыт Төрөбаев социалдык тармактарда жалган маалыматтар тарап жатканына тынчсызданды. Ал жалган маалыматтардын тарашы күч алып жатканын айтты. Депутат эл өкүлдөрүн фейк маалыматтарга каршы күрөшүүгө чакырды.

Мындан улам SUPER.KG порталы "Депутаттар арызданууда. Социалдык тармактагы жалданма пикир жазуучуларга каршы күрөшүү керекпи же мындай күрөш сөз эркиндигине коркунуч жаратпайбы?" деген собол салды.

Экс-акыйкатчы Бактыбек Аманбаев сөз эркиндиги деп эле ойго келгенди жаза берген туура эместигин айтты. "Сөз эркиндиги мыйзам чегинде, так маалыматка таянып, коомчулукка жарыялоо болуп эсептелет. Ошондуктан азыркы Кыргыз мамлекетинде социалдык тармактагы маалыматтарды көзөмөлгө алуунун кереги жок. Бул коомчулукка керек. Мамлекеттик чиновниктердин, депутаттардын иштери боюнча жазган пикирлерге чек койгонго болбойт. Социалдык тармактагы маалыматтарды көзөмөлгө алуу туура эмес. Маалымат каражаттарынын ишмердүүлүгүндө жалган маалымат таратуусуна жол берилбеши керек", - деди Аманбаев.