Аламүдүн районунда 2 кичи автобус кагышып, 11 киши жаракат алды

11-августта саат 8:00 чамасында Аламүдүн районунда 2 кичи автобус кагышып, 11 адам жаракат алды. Бул тууралуу Чүй ОИИБинин басма сөз кызматы билдирди. Маалыматка ылайык, Алма-Ата көчөсүндө Форд-Транзит үлгүсүндөгү кичи автобустун айдоочусу, 30 жаштагы Д.Н. 31 жаштагы Д.У. башкарып келе жаткан Мерседес-Бенц үлгүсүндөгү кичи автобус менен сүзүшкөн. Кырсыктын кесепетинен 2 айдоочу жана 9 жүргүнчү жаракат алышып, ооруканага жеткирилген. Учурда бул факт боюнча соттук-автотехникалык экспертиза дайындалып, териштирүү иштери жүргүзүлүүдө. 

Жол кырсыгынан жабыркагандар:

1989-жылы туулган Айбегим Макулова;

1976-жылы туулган Чынара Казакбаева;

1940-жылы туулган Рустем Забиров;

1970-жылы туулган Ирина Турдиева;

1971-жылы туулган Рустам Турдиев;

1976-жылы туулган Наталья Кравцова;

1970-жылы туулган Жибек Таштанова;

1988-жылы туулган Айсулуу Султаналиева;

2013-жылы туулган Гүлиза Абылова.