Сооронбай Жээнбеков: "Коопсуз шаар" ишке киргенден бери жол кырсыктары азайды"

Сооронбай Жээнбеков "Коопсуз шаар" долбоору ишке киргенден бери жол кырсыктары азайганын бүгүн, 4-октябрда "Борбор Азиядагы санариптик трансформация" аталышындагы конференциянын жүрүшүндөгү сүйлөгөн сөзүндө айтты.

"Бул долбоор өкмөткө пайда көздөгөн экономикалык долбоор эмес, жол кырсыгын жана өлүм-житимди азайтууга багытталган", - деди ал.

Президенттин айтымында, долбоор ишке киргенден баштап жолдо жүрүү эрежесин бузгандардын саны 50%га азайган.

"Борбор Азиядагы санариптик трансформация" аттуу эл аралык конференцияны Кыргыз өкмөтүнө караштуу Маалыматтык технологиялар жана байланыш комитети, Борбор Азия Университети жана Жаңы технологиялар паркы уюштурган.