Түркия бийлиги Фейсбукка 1 миллион 600 миң лира айып пул салды

Түркия бийлиги Фейсбук жеке маалыматтарды коргой албагандыктан, бул социалдык тармакка айып салды. Бул тууралуу түркиялык басылмалар жазышты.

Маалым болгондой, өткөн жылы колдонуучулардын өздүк маалыматтары алдамчылардын базасына түшүп калган. Алардын жеке маалыматтарынан тышкары, социалдык абалы, диний маалыматы, Фейсбукта акыркы убактарда жасалган издөөлөр, колдонуучу кирип жүргөн 500 чакты башкы эсептери тууралуу билген алдамчылар ар түрдүү операцияларды жасашкан. Мындан улам 280 миң 959 адам жабыр тарткан.

"Бийлик Фейсбукту коопсуздук үчүн административдик жана техникалык иштерди жасабаганын айтып,1 миллион 150 миң лира акчалай жазага тартты", - деп айтылат маалыматта.