"Суперфутбол-2019": Канат Исаев: "Алып баруучу "саясатчылар казы-карта жейт, чуркаганын көрөбүз" деп шылдыңдады. Биз деле сергек жашоону сактаганга аракет кылып жүрөбүз"

Жогорку Кеңештин депутаты Канат Исаев жеңишке "Саясатчылар" командасы жете турганын айтты. "Кудай буюрса, журналисттерди утабыз деп ойлоп жатабыз. Журналисттерди карасак бизден 20 жаш кичүү экен. Алып баруучу "саясатчылар казы-карта жейт, чуркаганын көрөбүз" деп шылдыңдап кетти. Чуркаганыбызды көрөсүңөр. Биз деле сергек жашоону сактаганга аракет кылып жүрөбүз", - дейт Исаев.

Учурда саясатчылар командасы менен журналисттер командасы футбол боюнча мелдешүүдө.

Бүгүн, 6-октябрда "Супер-Инфо" гезити менен SUPER.KG порталы Футбол боюнча улуттук курамды колдоо максатында мелдеш уюштурууда. Анда саясатчылардан, журналисттерден, шоу-бизнес өкүлдөрүнөн жана көк бөрүчүлөрдөн куралган төрт команда ат салышууда.