"Суперфутбол-2019": Депутат Канат Исаев: "Жеңишке жетебиз го деп ойлогом"

"Саясат" командасынын оюнчусу депутат Канат Исаев жаш курак боюнча айырма болуп калганын айтты. "Жеңишке жетебиз деген ой менен келгенбиз. Топ тоголок экен. Жаш боюнча айырма болду. Татыктуу эле оюн көрсөттүк. Биз теңдүү ырчылар, журналисттер менен футбол ойносок туура болмок. Ар бир командага жаш боюнча регламент киргизип койсо болмок", - дейт Исаев.

Саясатчылар журналисттерден 7:4 эсеби менен утулса, шоу-бизнес өкүлдөрүнөн 5:3 эсеби менен жеңилди.

Бүгүн, 6-октябрда "Супер-Инфо" гезити менен SUPER.KG порталы Футбол боюнча улуттук курамды колдоо максатында мелдеш уюштурууда. Анда саясатчылардан, журналисттерден, шоу-бизнес өкүлдөрүнөн жана көк бөрүчүлөрдөн куралган төрт команда ат салышууда.