Баткен облусунун Сүлүктү шаарында жана Кадамжай районунда эки күндө шахтадан 6 адам каза болду

Баткен облусунун Сүлүктү шаарында жана Кадамжай районунда эки күндө 6 адам өз алдынча көмүр казып жаткан учурда газга ууланып каза болду. Бул тууралуу ӨКМнын басма сөз кызматынан билдиришти.

Маалыматка ылайык, 6-октябрь күнү Кадамжай районундагы Үч-Коргон айыл аймагындагы Боз тилкесинде жайгашкан №5 забойдо 3 эркек адам өз алдынча көмүр казып жаткан учурда газга ууланып каза болгон. Алар 21 жаштагы А.А., 42 жаштагы Т.Б., 33 жаштагы М.Т. болушкан. Жерине ӨКМдан 9 куткаруучу тартылып, каза болгондордун жансыз денелери чыгарылып, "Тез жардам" кызматына өткөрүлүп берилген.

Ал эми 5-октябрь күнү Сүлүктү шаарында "Абдукахар-Кен" шахтасынан газ чыккандыгы тууралуу маалымат түшкөн. Жерине 6 куткаруучу тартылып, 3 адамды оор абалында шахтадан чыгарышып, "Тез жардам" кызматкерлерине өткөрүп берген. Жарандар ооруканадан каза болушкан. Алар 44 жаштагы Я.Н. 42 жаштагы Я.Ж. жана 40 жаштагы Я.К. аттуу жарандар болушкан.