Интернетке "Инфоком" мамлекеттик ишканасынын директору Талант Абдуллаевге окшош адамдын видеосу тарады

Интернетке "Инфоком" мамлекеттик ишканасынын директору Талант Абдуллаевге окшош адамдын Мамлекеттик каттоо кызматынын мурдагы төрайымы Алина Шаикованын мыйзамсыз иштери боюнча айтып берген видео тарады. Анда электрондук паспортко бланктарды алып келүү боюнча тендерде литвалык "Гарсу пасаулис" компаниясынын өкүлдөрүнүн кызыкчылыгын коргоо үчүн 20 миң доллар алганын айтып берген.

УКМК жаңы муундагы биометрикалык паспортторго бланк даярдоо боюнча өткөрүлгөн тендерде мыйзам бузуулар аныкталганын айткан. Ал эми 17-апрелде Бишкек шаарынын Биринчи Май райондук сотунун токтому менен Мамлекеттик каттоо кызматынын жетекчилери 2 айга УКМКнын тергөө абагына камакка алынган.

Ошондой эле бул иш боюнча айыпталган Мамлекеттик каттоо кызматынын төрагасынын орун басары Русланбек Сарыбаев үй камагына 26-апрелде чыгарылган.

13-майда Биринчи Май райондук соту эки айга камакка алынган Талант Абдуллаевдин баш коргоо чарасын өзгөртүп, үй камагына чыгарган.
Ал эми Алина Шаиковага УКМК 5-августта издөө салган.