Жалал-Абад. Облуста 6 айда 1807 жаран өлкөдөн чыгып кеткен

Жалал-Абад облусу боюнча 6 айда 1807 жаран ар кандай себептер менен Кыргызстандан чыгып кеткен. Бул тууралуу бүгүн, 12-августта өкмөттүн Жалал-Абад облусундагы өкүлчүлүгүнүн аппаратынын социалдык мониторинг өнүгүү бөлүмүнүн адиси Садырбек Сатыбалдиев билдирди. Айтымында, республикадан чыгып жаткан жарандардын дээрлик көпчүлүгү ишке жарамдуу адамдар. "Ал эми облуска жыл башынан бери чет өлкөдө жүргөн 1876 жаран келген",- дейт Сатыбалдиев.