Батукаев боюнча соттук отурум өттү. Атамбаев алып келинген жок (видео)

Бүгүн, 15-октябрда Бишкек шаарынын Биринчи Май райондук сотунда Азиз Батукаевдин өлкөдөн чыгып кетиши боюнча соттук алдын ала уктуруу өттү. Буга чейин да соттук алдын ала уктуруу 2 жолу белгиленип, 2 ирет тең ага айыпталуучулардын бири Алмазбек Атамбаев келбегендиктен, бүгүнкүгө жылдырылган болчу.



Окуянын чоо-жайы:

Мындан 6 жыл мурун Нарын шаардык соту кримтөбөл Азиз Батукаевди "айыккыс дартка чалдыкты" деген жүйө менен бошотуп, ал ошол эле күнү өлкөдөн чыгып кеткен.

Ушул жылдын апрель айында башкы прокурор Өткүрбек Жамшитов 2019-жылдын январь айынан тартып кримтөбөл Азиз Батукаевдин иши кайрадан карала баштаганын айткан.

Бул иш боюнча 19 адамга айып тагылган.

Кримтөбөл Азиз Батукаевдин абактан бошотулушун кайра кароо иши боюнча бардык кабарларды ушул шилтемеден окуй аласыз.