Депутат Орусия мигранттардын өз мекенине акча которуусу боюнча чектөөлөрдү токтотпой жатканы тууралуу пикирин айтты

Депутат Умбеталы Кыдыралиев өлкө ЕАЭБке киргенине карабай, Орусия мигранттардын өз мекенине акча которуусу боюнча чектөөлөрдү токтотпой жатканын айтты. Бул тууралуу ал кечээ, 16-октябрда Жогорку Кеңештин жыйынында билдирди.

"Орусия Мигранттардын өз мекенине акча которуусу боюнча чектөө киргизди деп айтылды. Ошол багытта кандай иштер жүргүзүлүп жатат. Эки күн мурун Екатеринбургдагы ишкер мекендештерибиз кайрылышты. Алардын чоң суммадагы акчасын Орусиянын Улуттук коопсуздук кызматы, Экономикалык кылмыштар боюнча органдын кызматкерлери арест кылып алып коюптур. Мына ушул мыйзамга такап туруп. Албетте, бул маселенин башы гана. Мындан ары чара колдонбосо, татаалдана берет", - деди Кыдыралиев

Жогорку Кеӊештин жыйынында "Тышкы миграция жөнүндө" мыйзамга өзгөртүү киргизүү тууралуу” мыйзам долбоорунун концепциясы каралды.