Парламенттик шайлоо 2020-жылы 4-октябрда өтмөй болду

Жергиликтүү кеңештерге шайлоо жөнүндө мыйзамга өзгөртүүлөрдү киргизүүнү эске алуу менен 2020-2021-жылдарга пландалган шайлоолордун графиги жарыяланды. Бул тууралуу БШКнын маалымат кызматынан маалымдашты. Ага ылайык, шайлоо күндөрү төмөнкү күндөргө белгиленди:

2020-жылдын 12-апрели - 31 жергиликтүү кеңешке шайлоо (алардын ичинен - 26 айылдык кеңеш жана 5 шаар: Ош, Каракол, Балыкчы, Токмок, Майлуу-Суу);
2020-жылдын 4-октябрында - Жогорку Кеңешке шайлоо;
2021-жылдын 11-апрели - 417 жергиликтүү кеңешке шайлоо, анын ичинде:

-385 кеңешке шайлоо, алардын ыйгарым укуктары 2020-жылдын декабрында аяктайт (369 айылдык кеңеш жана 16 шаар: Бишкек, Нарын, Кара-Көл, Баткен, Кызыл-Кыя, Сүлүктү, Исфана, Талас, Өзгөн, Кант, Орловка, Кайыңды, Шопоков, Кербен, Кочкор-Ата, Чолпон-Ата);

-ыйгарым укуктары 2021-жылдын майында аяктай турган 32 кеңешке шайлоо (26 айылдык кеңеш жана 6 шаар: Жалал-Абад, Көк Жаңгак, Ноокат, Кемин, Кадамжай, Айдаркен).

2021-жылдын 10-октябры - 4 жергиликтүү кеңешке шайлоо (3 айылдык кеңеш жана 1 Кара-Суу шаары);
2022-жылдын апрели – 18 кеңешке (3 шаар – Таш-Көмүр, Кара-Балта, Токтогул);
2023-жылдын апрели – 13 кеңеш;
2023-жылдын октябры – 1 Саруу айылдык кеңешине президенттик шайлоо менен чогуу.

"2020-жылдагы шайлоого даярдык көрүү боюнча бардык иш-чараларды ишке ашыруу үчүн кыйла убакыт талап кылынат жана кезектеги шайлоолордун мөөнөттөрүнүн сакталышын эске алып пландалган. Жергиликтүү шайлоолорго 386 миллион суммасындагы чыгымдар 2020-жылдын бюджетинен 2021-жылга которулган. 2020-жылы БШКнын жалпы чыгымдары 928 миллион сомду түздү", - деп айтылат маалыматта.