Жер планетасына диаметри 1 чакырым болгон астероид жакындады

Жер планетасына көлөмү болжол менен 440 метрден 990 метрге чейин жеткен астероид жакындап келе жатат. Бул тууралуу АКШнын Космостук мейкиндикти изилдөө жана аэронавтика боюнча улуттук башкармалыгы (NASA) маалымат таратты.

“Окумуштуулар бул астероиддин кыймыл траекториясына көптөн бери байкоо жүргүзүп келет. Ага “162082” номурун беришип, ал саатына 40 миң чакырым ылдамдыкта учарын аныктаган. Астероид ушул жылдын 25-октябрында Жерге жакын аралыкта учат. Бирок бул космостук тело жер планетасына коркунуч жаратпайт. Ал Айга 16 жолу учуп-барып келгендей аралыктан өтөт. Анын бир аз көлөмдөгү учкунун Евразия континентинде жашагандар көрүшү мүмкүн”, - деп айтылат маалыматта.

Маалым болгондой, окумуштуулар астероиддерден коргонуунун бир нече жолун ойлоп табышкан.