Америкалык окумуштуулар лаборатория шартында кадимки эт жасашты

Гарвард университетинин изилдөөчүлөрү лаборатория шартында натуралдуу этти өстүрүп, илимий ачылыш жасашты. Бул тууралуу чет элдик басылмалар жазышты.

Анда жасалма эт даамы гана эмес, түзүлүшү боюнча да натуралдыкка жакындаганы айтылган.

"Илимий долбоорду ишке ашыруу үчүн, окумуштуулар желатинди колдонушту. Аны эттин клеткаларын өстүрүү үчүн негиз кылып алышкан. Соңунда окумуштуулар механикалык тестирлөө жүргүзүшкөн. Ага ылайык, жасалма эттин клеткалык түзүлүшүн, уйдун этине салыштырып көрүшкөн. Келечекте окумуштуулар жаныбарларды сойбостон, жасалма эт жасоо өндүрүшүн өнүктүрүүнү пландоодо", - деп айтылат маалыматта.

Маалым болгондой, доолборду ишке ашырууда окумуштуулар тамак-аш жаатындагы адистерден кеңеш алып турушкан. Андан тышкары, алар медицина кызматкерлерин дагы ишке тартышкан.