УКМК тарабынан издөөдө жүргөн эл аралык террордук уюмдун мүчөсү кармалды

Бишкек шаарында УКМК тарабынан издөөдө жүргөн эл аралык террордук уюмдун мүчөсү кармалды. Бул тууралуу УКМКнын басма сөз кызматынан билдиришти.

"Эл аралык террордук уюмдун мүчөсү деп саналган Жалал-Абад облусунун 1980-жылы туулган М.А. аттуу жаранга террордук акт уюштуруу боюнча кылмыш иши козголуп, 2011-жылдан бери издөөдө болгон. Шектүү Кыргыз өлкөсүнүн аймагында террордук акт жүргүзүүнү пландаган уюмдун мүчөсүнө кирген. 2011-жылдын октябрь айында УКМКнын кызматкерлери тарабынан Ош облусунда атайын жүргүзүлгөн операциянын алкагында топтун мүчөлөрү кармалганда М.А. качып кеткен.

Шектүү ушул жылдын 18-октябрында кармалып, 19-октябрда Ош шаардык сотунун чечими менен 2 айга камакка алынды. Учурда тергөө иштери жүрүп жатат", - деп айтылат маалыматта.