Турдакун Усубалиевдин 100 жылдыгына арналган эл аралык конференциясы өттү
Биринчи вице-премьер-министри Кубатбек Боронов көрүнүктүү мамлекеттик жана саясий ишмер Турдакун Усубалиевдин 100 жылдыгына арналган эл аралык конференцияга катышты. Бул тууралуу өкмөттүн басма сөз кызматы билдирди.
Маалыматка ылайык, Кубатбек Боронов Турдакун Усубалиевдин өлкөнүн өнүгүүсүнө чоң салым кошконун эске салып, экономикалык, социалдык жана маданий фундаментин түзүп кеткенин баса белгиледи.
"Турдакун Усубалиевдин өлкөнүн өнүгүүсүнө кошкон таасири баа жеткис. Чыгаан инсандын өмүрү жана ишмердүүлүгү бардыгыбыз үчүн үлгү болуп саналат. Ал өмүрүнүн көп бөлүгүндө чыныгы мекенчил жана анык мамлекеттик ишмер катары элине кызмат өтөдү. Дүйнөдө Сингапурдун чыныгы улут атасы Ли Куан Ю болсо, биздин өлкөбүздө чыныгы "улут атасы" деп Турдакун Усубалиевди атагыбыз келет", - деп белгиледи ал.



