ИИМ башчысынын орун басары Сүйүн Өмүрзаков Макаров тапанчасынан ок атууда биринчи орунду алды



ИИМ башчысынын орун басары Сүйүн Өмүрзаков тапанча атууда биринчи орунду алды. Бул тууралуу министрликтин басма сөз кызматынан билдиришти.
24-октябрдан баштап Бишкектин спорттук базасында Кыргыз Республикасынын мамлекеттик органдарынын кызматкерлеринин Спартакиадасы өтүүдө. 25-октябрь күнү күч структураларынын арасында Макаров тапанчасынан ок атуу боюнча мелдеш өттү. Аталган мелдеште Ички иштер министринин биринчи орун басары, милициянын генерал-майору Сүйүн Өмүрзаков 87 балл топтоп, биринчи орунду багындырды. Ал эми экинчи орунду Коргоо иштери боюнча мамлекеттик комитети, 3-орунду Экономикалык кылмыштарга каршы күрөшүү кызматы алды.
Бүгүн, 26-октябрь күнү Жаштар иштери, дене тарбия жана спорт боюнча мамлекеттик агенттиктин директорунун орун басары Канат Арпачиев күч структураларынын арасында Макаров тапанчасынан ок атуу боюнча мелдеште биринчи орунду алгандыгы үчүн Сүйүн Өмүрзаковду диплом, алтын медаль жана атайын Кубок менен сыйлады










1 |