Супер-Инфо
super.kg видео
Сапар Исаковду сотко мажбурлап алып келишти
Бишкек Жылуулук электр борборун (ЖЭБ) жаңылоодогу жемкорлук боюнча айыпталып жаткан мурдагы өкмөт башчы Сапар Исаков соттук отурумга мажбурлоо менен алып келинди.
Бишкек шаарындагы Свердлов райондук сотунда бүгүн, 28-октябрда Бишкек Жылуулук электр борборун (ЖЭБ) жаңылоодогу жемкорлук боюнча айыпталып жаткан Сапар Исаков, Жантөрө Сатыбалдиев, Ольга Лаврова, Осмонбек Артыкбаев, Айбек Калиев, Салайдин Авазов, Жолдошбек Назаров жана Темирлан Бримкуловдун үстүнөн козголгон кылмыш иш боюнча соттук иши жүрүүдө. Соттун башталышында жактоочу Замир Жоошев сот залынан чыгып, журналисттерге маалымат берди.
"Бүгүн Сапар Исаковду УКМКнын кызматкерлери алып келди. Ал мажбурлоо жолу менен келди", - деди жактоочу Жоошев.
Жактоочу Нурбек Токтакунов: "Сот эмне үчүн эксперттерди сурабайт, Сапар Исаковду күч менен алып келишет? Исаковдун көрсөтмө бербейм деген өзүнүн укугу бар да. Сот билип эле турат, ал кармалган, аты-жөнү такталган, камерада кармалып турат. Буга карабастан аны мажбурлап, күчтөп алып келип жатат. Эң негизги күбөлөрдү күч колдонуп алып келиши керек болчу", - деди Токтакунов.
0
Сокенер озун калп эле аппак карга экенин коргозбой эле койсунчу. Жалган маалымат м-н элдин мээсин ХХХХ айлантпасын. ТЕЦ бул ойдон чыгарылган нерсе. Эгер ХХХ ордуна Сапар президент болуп келгенде бугункудой итке минин олтурмак эмесбиз. Атамбаевтин эмгеги болгон учун коп иштер оз убагында жасалып кеткен. Асылбек иниси сотторду каалашынча менчиктеп алганын коруп эле журобуз го. ХХХХ
Ошол ТЕП боюнча эң биринчи Сооронбайлар жооп бериш керек эле. Жакын арада Сооронбайга окшогон аймактардын бети ачылат. Бийликте отуруп алып бир деп олтурат.