Эрназар Акматалиев күрөш боюнча 23 жашка чейинки спортчулар арасындагы Дүйнө чемпиондугунун жарым финалына чыкты

Бүгүн, 28-октябрда Венгриянын Будапешт шаарында күрөш боюнча 23 жашка чейинки спортчулар арасында Дүйнө чемпиондугу старт алды.

Мелдештин алгачкы күнүндө эркин күрөш боюнча 5 салмак категориясында беттештер башталды. 65 килограмм салмакта Кыргыз балбаны Эрназар Акматалиев жарым финалга чыкты.

Ал 1/16 финалда жүрүшүн баштап, орус балбанын 16:6 эсебинде жеңди. Кийинки баскычта америкалык балбан менен күрөшүп, упайлар эсебинде утуп алды. Акматалиев чейрек финалда венгриялык балбандан күчтүү болду.

1/16 финал

Эрназар Акматалиев — Руслан Жендаев (Орусия) — 16:6

1/8 финал

Эрназар Акматалиев — Селсор Эйрман (АКШ) — 13:13, акыркы ыкманын эсебинде Акматалиевдин жеңиши

1/4 финал

Эрназар Акматалиев — Роман Ашарин (Венгрия) — 14:6

Жарым финалда кыргыз балбаны япон же украин балбаны менен кез келет.