"Бир күндө эле картайып кеткен го". Моника Беллуччинин сүрөтү талкууга алынды

Белгилүү кино жылдызы Моника Беллуччинин папараццичилердин кылтагына илинген сүрөтү күйөрмандарын таң калтырды. 55 жаштагы актриса сүрөттө кары көрүнгөнү талкууга алынды.

Чет элдик басылмалардын маалыматына ылайык, Моника Беллуччи Рим шаарындагы үйүнөн чыгып бара жатканда папараццичилер сүрөткө тартып алганга үлгүрүшкөн. Журналдардын башкы бетинен дайыма жапжаш болуп көрүнгөн актриса бул сүрөттө серт көрүнгөн. Муну интернет колдонуучулардын пикирлеринен улам баамдаса болот.

"Ал бир күндө эле картайып кеткен го. Бырыштары өтө эле көп экен". "Убакыт баарына катаал болот. Керек болсо Моника Беллуччи дагы 55 жашында картаң көрүнөт". "Менимче бул сүрөттү жасап койгон. Анткени Моника Беллуччи жашың канчада болсо дагы дайыма сулуу болуп калууга мүмкүн деген ишенимди жараткан". "Албетте, кебетеси өзүнүн жашына туура келет. Ошентсе дагы ал дайыма саркеч кийинип жүрөт" деген пикирлерин калтырышкан.

Талкуу жараткан сүрөт интернетке тараганга чейин актриса орусиялык журналдын башкы бетине чыга турган сүрөтү менен бөлүшкөн. Анда актриса дайымкыдай жаш көрүнөт.

Моника Беллуччи - дүйнө жүзүнө белгилүү болгон "Сулуулук дүйнөнү сактап калат" аттуу ураандын автору, италиялык актриса, модель. Аны күйөрмандарынын көбү сулуулуктун эталону деп эсептешет.