Жалал-Абад. Облустук драма театрда тартип бузулуп, артисттер чыгармачылык менен алектенбей калышкан

Жалал-Абад облустук Барпы Алыкулов атындагы драма театрда 2013-жылдын 6 ай аралыгында бир да жаңы спектакль коюлган жок. Маалыматты бүгүн, 13-августта аталган театрдын жетекчисинин жаңы дайындалган орун басары Мухтар Жаркулов билдирди. Айтымында, жыл башынан бери жаңы спектакль иштелип чыкпай, эски спектаклдер элге тартууланып келген. "Эмне себептен мындай болгонун айта албайм. Театрда тартип бузулуп, артисттер чыгармачылык менен алектенбей калышкан. Бул жердеги ишти кайрадан жандандырып, алдыга жылдыруу - негизги максатыбыз",- дейт Жаркулов.