Актёр Эркин Усенбаев бойдокчулук менен коштошту

31-октябрь күнү Бишкектеги тойканалардын биринде актёр, телеалпаруучу Эркин Усенбаевдин сүйүктүүсү Ажара Шайыкованын кыз узатуу тою болуп өттү. Ажаранын кыз узатуусуна эки жаштын достору, кесиптештери жана шоу-бизнес өкүлдөрү келишти. Жаңы гана үй-бүлөлүү статусуна ээ болгон Эркин сезимдери тууралуу SUPER.KG порталына билдирди.

"Сүйүктүүм Ажарды үйгө алып келип алып, аябай бактылуу болуп жатам. Ата-энемдин кубанычында чек жок, улуу жеңем андан өтүп сүйүнүп, келиндик кызматты Ажарга өткөрүп берем деп жүрөт (күлүп). Үйлөнүү тойду 6-ноябрга белгиледик. Буюрса, ошондо элге той берип, бата алабыз".

Эске салсак, Эркин "Участковый", "Эл эмне дейт" долбоору аркылуу калың журтка таанымал. Ушул жылдын июнь айында сүйүктүүсүнүн колун сураган.