Өлкөдөгү капиталдык курулуш тармагындагы көйгөйлөр тууралуу маселе талкууланды

Архитектура, курулуш жана турак жай-коммуналдык чарба мамлекеттик агенттигинин директору Бактыбек Абдиев 2018-2019-жылдары 27 курулуш компаниянын иши токтотулгандыгын айтты. Бул тууралуу ал "Ата Мекен" фракциясынын жыйынында билдирди.

"Подрядчы болгон компанияларга негизги доомат курулуш иштеринин көлөмүн толук аткарбагандыгына болууда. Москва районундагы курулуп жаткан 750 окуучуга ылайыкташкан мектеп 2019-жылдын башында бүтүшү керек болчу. 30 миллион сом бөлүнүп берилген, бирок иштин жалпы көлөмү аткарылбагандыктан, мектеп колдонууга берилбей калды. Биз аргасыздан компанияга доо арыз менен кайрылып, курулушту субподрядчы уюмга бердик", - дейт Абдиев.