Катар-2022: Япония жана Тажикстан менен болгон оюндарга Кыргыз курама командасынын курамы белгилүү болду

Ноябрь айында боло турган Кыргыз курама командасынын курамы белгилүү болду. Александр Крестинин жалпы курамга 23 футболчуну чакырган.

Кыргыз курама командасы 9-ноябрда Ташкентте Өзбекстан менен жолдоштук беттеш өткөрөт. Катар-2022 Дүйнө чемпиондугуна тандап алуу оюндарынын алкагында 14-ноябрда Бишкекте Япония менен ойносо, 19-ноябрда Тажикстанды кабыл алат.

Курамга жаракатынан айыккан Азамат Байматов чакыруу алган.

Кыргыз курама командасынын курамы:

Дарбазачылар: Валерий Кашуба, Павел Матяш, Кутман Кадырбеков (бардыгы – «Дордой»)

Коргоочулар: Валерий Кичин («Динамо-Минск», Беларусь), Виктор Майер («Виденбрюк», Германия), Айзар Акматов, Азамат Байматов, Александр Мищенко, Мустафа Юсупов (бардыгы – «Дордой»), Тамирлан Козубаев («ПКНС», Малайзия), Акрамжон Умаров («Алай»)

Жарым коргоочулар: Одилжон Абдурахманов («Алай»), Алимардон Шукуров («Болуспор», Турция), Ахлидин Исраилов (клубу жок), Бахтияр Дүйшөбеков («Башундхара Кингз», Бангладеш), Эдгар Бернхардт («Кедах», Малайзия), Муролимжон Ахмедов, Фархат Мусабеков, Бекжан Сагынбаев, Жыргалбек уулу Кайрат (бардыгы – «Дордой»), Гүлжигит Алыкулов («Неман», Беларусь).

Чабуулчулар: Виталий Люкс («Ульм 1846», Германия), Мирлан Мурзаев («Дордой»).