40 килограммга арыктаган аял күйөөсүнөн баш тартты

Түштүк кореялык йога инструктору Пак Жи Вон төрөгөндөн кийин чоң депрессияга кабылган. Депрессиянын кесепетинен зыян азыктарды көп жеп, салмагы 86 килограммга жеткен. Ал моралдык жактан колдоого муктаж болуп турганда жолдошу анын келбетине асылып, жагымсыз болуп баратканын айта берген. Катуу ызаланган Пак жолдошунун көңүлүн бурдуруу үчүн арыктоону чечкен. 10 ай бою диета кармап, тынымсыз спорт менен машыккан айым 40 килограммга арыктаган. Бирок жолдошу анын аракетин баалабай, сындаганын калтырган эмес. Ошондо Пак аны менен мамилесине чекит коюуну чечкен. Ажырашуудан кийин Пак жаңы жашоону баштаганын айтат. Азыр ал айымдарга арыктоо тууралуу кеңеш, пайдалуу рецепттерди жазып белгилүү болгон блогер.